ELCT North Eastern Diocese

Mkuu mpya wa Wilaya ya Lushoto atembelea Makao Makuu ya KKK-DKMs

Details: Published: 29 August 2024

KATIKA PICHA: Mkuu mpya wa Wilaya ya Lushoto Bw. Zephania Stephan Sumaye leo tarehe 29/08/2024 ametembelea Ofisi za Makao Makuu ya KKKT-Dayosisi ya Kaskazini Mashariki (KKKT-DKMs) yaliyopo Wilayani Lushoto Mkoa wa Tanga kwa lengo la kujitambulisha kwa Uongozi wa Dayosisi. Bw. Zephania Sumaye alipokelewa na watumishi wa Ofisi Kuu ya KKKT-DKMs na kupata nafasi ya kufanya mazungumzo na mwenyeji wake Baba Askofu Dkt. Msafiri Joseph Mbilu.

Tangazo la kazi- Mratibu wa Kituo cha Maendeleo ya Mtoto

Details: Published: 20 August 2024

Tarehe 19 Juni 1963, Kanisa la Usambara - Digo na makanisa mengine sita ya Kilutheri yaliungana na kuunda Kanisa la Kiinjili la Kilutheri Tanzania . Leo hii KKKT-Dayosisi ya Kaskazini Mashariki (KKKT-DKMs) ni miongoni mwa Dayosisi 28 za KKKT. Dayosisi inaitwa hivyo kwakuwa inapatikana Kaskazini Mashariki mwa Tanzania katika Mkoa wa Tanga. Kwahiyo KKKT-Dayosisi ya Kaskazini Mashariki (KKKT-DKMs) ni taasisi ya kidini iliyosajiliwa tarehe 19 Juni 1963 na Makao yake Makuu yapo Wilaya ya Lushoto Mkoa wa Tanga. Dhamira ya KKKT-DKMs ni kufundisha na kuhubiri neno la Mungu na kutoa huduma nzuri kiroho, kimwili, kiakili, kiuchumi na kijamii kwa watu. Taasisi hii inatoa tangazo la kazi kwa nafasi ifuatayo ya MRATIBU WA HUDUMA YA MTOTO NA KIJANA (PROJECT COORDINATOR) (NAFASI 1) kwa vijana wote (Wakristo)

NAFASI NA WAJIBU WA MRATIBU WA HUDUMA YA MTOTO NA KIJANA (PROJECT COORDINATOR).

1.1 CHILD AND YOUTH DEVELOPMENT CENTER COORDINATOR (CYDC)- MRATIBU WA KITUO CHA MAENDELEO YA MTOTO NA KIJANA.

Mratibu wa Kituo cha Maendeleo ya Mtoto na Kijana ni mwajiriwa wa Kanisa na atatumika katika kituo cha maendeleo ya Mtoto na kijana (KKKT – SINDENI BWAWANI – TZ1212) kilichopo Sindeni – Wilaya ya Handeni. Katika utendaji wake wote wa majukumu /wajibu atawajibika kwa Mchungaji kiongozi na kusimamiwa na Kamati ya huduma ya Mtoto. Atasimamia utendaji wa watendakazi wengine katika kufanikisha shughuli za maendeleo ya ujumla ya Mtoto na kijana. Atasimamia maono ya maendeleo ya ujumla ya Mtoto na kijana na amali za huduma wakati wote wa Uhai wa kituo cha Huduma ya Mtoto.